تلفونك وبس والباقي زلاطه وخس

منَك منتظر رنّه
شمَحلاها وأحلى رنّه
رنّه تمحي كل ونّه
وترسم بخيالي الجنة
تغطي ملامحي بحْنّه
وتعلن للفرح طنَه
....................................
بنفسي أركض للتلفون
شلون الهوا يشمر بالون
وكل موعد ألغي بمليون
ولو أسمَع غيرك مجنون
شلون أحبك گولي شلون
وهالنبض بحُبَك مَرهون
..................................
مو كل رقم أكتب عيب
بس رَقمَك حافظ عالغيب
ولو أدري اتغطى بشيب
غير صورتك ماأحط بالجيب
وعروگي ماتحمل ريب
ولا أحساسي يثمر خيب
.................................
لاكل رنّه أسمَح حيف
بس رَنتَك اللي ترَيْح الكيف
كل حرف من حَلگك طيف
وكل سالفة ويا غيرك زيف
لأبيع أغلى فَيّ بالصيف
واشتري ثلوج وهيف
....................................
محتار بجواب ورَد
واحساسي من الفَرح شّد
ومابقى بلساني حَدّ
ولادموعي يصدها سَدّ
ومااكدر أنتظر غَدّ
ولاأصبر وكياني هَدّ
.................................