(لتبجي )
لتبچي إعلة عمرك و العوض على الجاي
شوف الدنيا هاي اشبيهة ما بيهة
گبلك هم بچيت وأيست مرات
بس شفت الدمع ميفيد تاليهة
ألمراً بيك كلهن همجن وياي
ونيران ألبگلبي بدمعي طفيهن
أنة هواي الي بگلبي وياما شفت هموم
وبعض من السوالف خايف احچيهن
دعوف الماضي والله وداعتك ميفيد
اشكثر گبلك بچو والحزن غاطيهة
وفتح باب گلبك من جديد وعيش
ودموعك
ودموعك وكت العزة خليهة
ميلوگ البچي لعيونك الحلوات
وحرامات الدموع اللنت تبچيهة
يلما جربت بالدنيا مرة تعيش
وجبت وية عمرك قهر وهموم گاضيهة
تعال وياي وفرجك ونت عاين زين
ونثرلك همومي ونت ساويهة
مخازن جوة گلبي من هموم اشكال
وكابر على همومي ابضحكة طفيهن
اطلع ومشي والي يصير يصير
وذا خايف من الناس ..... الناس شعليهة
أبدأ من جديد وعيش وسوي كلشي تريد
حياتك
ولك حياتك انت حر اشلون تبنيهة
ولا يهمك حچي ولا يهمك الي يگول
خلي الروح تاخذ الي تريدة
القسة وية روحة ظالم
ونت ابو الاحساس
معقولة
معقولة القساوة البيك انت خافيهة ؟!!!!!! [i][b]
موضوع: لتبجي.....بقلمي 
السبت مايو 24, 2008 5:04 am
